Мәжіліс туралы

Мәжіліс — Қазақстан Парламентінің төменгі палатасы, ол бүкіл халықтың мүддесін білдіреді. Палата заң шығару процесінде және Үкіметті қалыптастыруда негізгі рөл атқарады, билік пен қоғам арасындағы байланыстырушы буын ретінде әрекет етеді.

Мәжіліс эволюциясы

Екі палаталы Парламент 1995 жылғы Конституциямен бекітілді. Содан бері Мәжілісті қалыптастыру моделі бірнеше рет өзгерді:

1995

Бірінші шақырылым бірмандатты аумақтық округтер бойынша сайланған 67 депутаттан тұрды.

2007

Пропорционалдық жүйеге көшу орын алды: 98 депутат партиялық тізімдер бойынша, ал 9-ы Қазақстан халқы Ассамблеясы арқылы делегат етіп сайланды.

2022 жылғы реформа

Республикалық референдумнан кейін партиялық өкілдік пен мажоритарлық жүйені біріктіретін аралас модель енгізілді.

Қазіргі құрам (VIII шақырылым)

Мәжілістің сегізінші шақырылымы 2023 жылдың 19 наурызында жаңартылған аралас жүйе бойынша сайланды. Бүгінгі таңда палата 98 депутаттан тұрады:

  • 69-ы саяси партиялардан сайланады
  • 29-ы — бірмандатты аумақтық округтер бойынша

Қазіргі құрамда алты саяси партия бар (олар туралы толығырақ «Фракциялар» бөлімінде).

Палатада сабақтастық қамтамасыз етілген: депутаттардың үштен бірі бұрынғы шақырылымдарда жұмыс істеген тәжірибесі бар. Сонымен қатар, Мәжілісте түрлі буындар мен әртүрлі салалардың өкілдері, соның ішінде мемлекеттік қызмет, бизнес, ҮЕҰ, білім беру және медицина өкілдері бар.

Сегізінші шақырылым Мәжілісінің төрағасы Ерлан Жақанұлы Қошанов.

Мәжілістің негізгі өкілеттіктері