«ӘДІЛЕТ» партиясының фракциясы

Фракция туралы

Депутаттық бірлестік "Қазақстан Республикасының Парламенті және оның депутаттарының мәртебесі туралы" Конституциялық Заңға, Қазақстан Республикасы Парламенті мен Мәжілісінің регламенттеріне және "AMANAT"партиясының Жарғысына сәйкес құрылды. Фракция өзінің қызметін Қазақстан Республикасы Конституциясының, «Қазақстан Республикасының Парламенті және оның депутаттарының мәртебесі туралы» Конституциялық заңының, Қазақстан Республикасы Парламенті мен Парламент Мәжілісінің Регламенттерінің, Партияның Жарғысы мен Фракция туралы Ережесінің негізінде атқарады. Фракцияның негізгі функциялары: 1. Партияның басқарушы органдарының бағдарламалық ұстанымдарын және Партия Төрағасының шешімдерін Қазақстан Республикасының заңнамаларына және Фракция туралы Ережеге сәйкес заң шығарушылық және басқа да қызметте іске асыру. 2.Парламент пен Парламент Мәжілісінің пленарлық отырыстарында Фракция жиналысы қабылдаған тиісті шешімге сәйкес, Фракция мүшелерінің ынтымақты түрде дауыс беруін қамтамасыз ету. 3. Парламент Мәжілісіндегі ел дамуының қоғамдық-саяси және әлеуметтік-экономикалық дамуы мәселелері, Сайлауалды бағдарламада бекітілген негізгі қағидалары бойынша Партияның және Партия Төрағасының ұстанымдарын білдіретін саясат жүргізу. 4. Қазақстан Республикасының заңнамалық актілерінде қарастырылған Парламент Мәжілісі депутаттарының өкілеттіктері шеңберінде Партияның Сайлауалды бағдарламасының орындалуын бақылауды жүзеге асыру.