Халықаралық істер, қорғаныс және қауіпсіздік комитеті

Халықаралық істер, қорғаныс және қауіпсіздік жөніндегі комитет Қазақстан Республикасы Парламенті Мәжілісінің жұмыс органы болып табылады және қорғаныс, ұлттық қауіпсіздік, қорғаныс-өнеркәсіптік кешенді дамыту, мемлекеттік шекараны қорғау, қорғалатын адамдардың қауіпсіздігі, сондай-ақ халықаралық қатынастар саласында заң жобаларын әзірлеу жұмысын жүзеге асырады. Комитет шет мемлекеттердің парламенттерімен, халықаралық және парламентаралық ұйымдармен халықаралық ынтымақтастық мәселелеріне белсенді түрде қатысады. Комитет құрамына Төраға мен Хатшыны қоса алғанда 13 депутат кіреді. Комитеттің өкілеттіктері мен қызмет тәртібі Қазақстан Республикасының Конституциясымен, Қазақстан Республикасының «Қазақстан Республикасының Парламенті және оның депутаттарының мәртебесі туралы» Конституциялық заңымен, Қазақстан Республикасының «Қазақстан Республикасы Парламентінің комитеттері мен комиссиялары туралы» Заңымен, сондай-ақ Қазақстан Республикасы Парламенті Мәжілісінің Регламентімен айқындалады.