Референдум қорытындысы: 87,15% қазақстандық жаңа Конституцияны қолдады

Референдумның түпкілікті қорытындысы шықты, деп хабарлайды Orda.kz. 

Орталық референдум комиссиясының мәліметінше, жаңа Конституция жобасы бойынша өткен республикалық референдумға Қазақстанда және шетелде жалпы саны 9 127 192 адам қатысқан. Бұл – сайлаушылардың 73,12%-ы.

Дауыс беру қорытындысы бойынша: «Қолдаймын» деп 7 954 667 адам дауыс берген, бұл – 87,15%.

Референдумға шығарылған мәселенің теріс шешімін жақтап дауыс берген азаматтардың саны – 898 099 болса, жарамсыз деп танылған бюллетеньдер – 146 558-ге жетті.

Енді жаңа Ата заң 2026 жылдың 1 шілдесінен бастап күшіне енеді. Айта кетейік, 15 наурыз – Конституция күні болып белгіленді. Ал жазда парламент сайлауы өтеді.